Web edukia bistaratu

Hazilan proiektua eskualdeko gazte kualifikatu langabeak eta eskualdeko enpresak uztartuko dituen ekimena da.

Helburua

Gure helburua da:

  • Goi mailako ikasketak dituzten eta lanik gabe dauden gazteei zeharkako konpetentzietan prestakuntza ematea.
  • Proiektu bat bideratu nahi duten enpresatan gazte horiek txertatzea, hainbat eratara (praktikak, lanpostuan bertan prestakuntza, proiektu berriak...).

Horrekin lortu nahi dugu: gazteen laneratzeko aukerak hobetzea eta enpresek dituzten beharrei erantzutea.

Gazteei eta enpresei tutoretza bidezko jarraipen eta laguntza zerbitzu zehatza eskainiko zaie, proiektua bideratzeko.

Eskuratu esku-orria

Hazilan: gazteak [pdf]

Gazte kualifikatuak laneratzen.

Eskuratu esku-orria

Hazilan: enpresak [pdf]

Enpresen beharrei erantzuten.

Erlazionatutako informazioa

Programa operatiboa 2014-2020

Hazilan proiektuak 5 urteko iraupena izango du (2016an hasi eta 2020an amaituko da). Proiektu hori Garapen Elkarteak (Garapen Agentzien Euskal Elkarteak) koordinatuko du eta 20 garapen agentziak hartuko dute parte, tartean Urola Kostako Udal Elkarteak.

Proiektuaren %50 Europako Gizarte Funtsak (EGIF) finantzatuko du eta beste %50 garapen agentzia bakoitzak (gure kasuan Urola Kostako Udal Elkarteak). Proiektuaren 5 urteko aurrekontu osoa (20 garapen agentziena) 6.000.000,00 eurokoa da eta gure eskualdeko proiektuarena 318.000,00 eurokoa. Hazilan proiektuaren helburua da 20 eskualde horietan 5.000 lanpostu sortzea, horien %55 emakumeentzat.

 

 

Gazteak, enpresak

20-44 urteko gazteen langabezia datuak

Lanbiden inskribatuta dauden lan eskatzaile langabetuen 2015eko abenduko datuek erakusten dutenez, eskualdean 2.301 pertsona daude langabezian. Horien %14, hau da, 326 pertsona, 20-44 urteko gazteak dira, lanbide heziketako goi zikloa edo unibertsitate ikasketak eginak dituztenak. Generoari erreparatzen badiogu, 326 pertsona horietatik 136 gizonezkoak dira eta 190 emakumezkoak.

20-44 urte bitarteko 326 pertsona horien laneratzeko aukerak hobetu nahi ditugu, arreta berezia eskainiz emakumeei. Hori da Hazilan proiektuaren erronka.

Gazte kualifikatuak laneratu eta enpresen beharrei erantzun

Lanbide Heziketako eta unibertsitateko ikasketak egin dituzten gazte askok zailtasunak dituzte beren esparruko ikasketekin lotutako lanpostuetan laneratzeko. Sarri oso epe laburreko lanpostuak eskuratzen dituzte, jarraipenik gabe, eta lan-merkatuan sartu eta irten dabiltza. Gazte horien prestakuntza teknikoa eta akademikoa goi mailakoa da, baina laneratzeko, lan ibilbidean arrakasta izateko eta lanean eraginkorrak izateko ezinbestekoa dute zeharkako konpetentziak lantzea: komunikazio gaitasuna, proiektuak kudeatzeko gaitasuna, lantaldeak kudeatzeko gaitasuna...

Era berean, enpresek zailtasunak dituzte eguneroko lan martxarekin proiektu berriak edo berrikuntzak egiteko. Mahai gainean dituzte hainbat ideia, asmo eta proiektu, baina ezin ekin. Enpresek prestakuntza tekniko eta akademiko egokia duten langileak behar dituzte, baina, baita ere, gero eta gehiago, gorago aipatutako zeharkako konpetentziak dituztenak.

Faseak

Parte-hartzaileen eta enpresa-proiektuen ezaugarrietara era malguan egokituta dauden lau faseko ibilbide bat proposatzen du Hazi proiektuak: Aktibatu, Kokatu, Lanekin eta Talentu Ihesa.

  • Aktibatu: pertsona kualifikatuak aktibatzea

Ibilbidearen hasiera da, laneratzeko laguntza-prozesuaren hasiera. Konpetentzia pertsonalak eta profesionalak (motibazioa, ekimena, komunikazioa, talde-lana…) lantzeko prestakuntza pertsonalizatua eskaintzen du. Helburua pertsona kualifikatuen gaitasunak aktibatzea eta pertsona horiek proiekturako prestatzea da. Horretarako, parte-hartzaileek coach baten laguntza jasoko dute.

  • Lanekin: lanpostuko prestakuntza

Fase honen helburua da pertsona kualifikatuek kontratazio-premiak dituzten enpresetan lanpostu jakin baterako prestakuntza espezializatua jasotzea. Era horretan, pertsona horiek enpresan bertan laneratuko dira. Enpresak, nolanahi ere, instruktore bat izendatuko du prestakuntza ikuskatzeko eta parte-hartzailea bere testuinguruan kokatzeko.

  • Kokatu: praktikak enpresan

Helburua da parte-hartzaileek beren lanbide-profilaren araberako esperientzia erreala eskuratzea. Baliabide honen bidez, ikaskuntza praktikoko egonaldiak egingo dira enpresetan. Enpresako tutore batek praktikak zuzendu eta laguntza emango du.

  • Talentu Ihesa: talentua eta proiektuak enpresan

Helburua da lanbide-gaitasuna hobetzea. Horretarako, enplegua sortuko duten enpresa-proiektuak abian jartzen parte hartuko da, jarduera berrien garapenean interesa duten enpresetan. Proiektuak lotura izango dute, ahal dela, nazioartekotzearekin, berrikuntzarekin edo teknologia berriekin.

Aurreko edizioak

Hazilanen bina edizio egin ditugu 2016, 2017, 2018 eta 2019 urteetan. Orotara, 120 pertsonek parte hartu dute. 

Lehendabizi konpetentzia sozioprofesionalak landu dituzte eta, ondoren, enpresetan laneratzeko prozesuak egin dituzte (praktikak, prestakuntza lanpostuan…), eskualdeko nahiz Gipuzkoako beste eskualde batzuetako enpresetan. Honako enpresa hauek parte hartu dute lehen hiru edizioetan:

  • Pavitec 2000 SLU,
  • Ongi Mecanizados en Madera SL
  • Aner Sistemas Informáticos
  • Artelatz Ingurugiro Zerbitzuak S.L.
  • Ad hoc centro de comunicación y marketing SL
  • Dulces Reineta, S.L.
  • Arktelier, arkitektura estudioa
  • Xare
  • Otzarreta Communicación, S.A.
  • Eraman SL
  • Ortzadar ikastetxea
  • Kalexka
  • Begi-bistan, Turismo Zerbitzuak
  • LKS Ingenieria S.COOP
  • Lombok Design SL
  • Euskampus Fundazioa
  • Emaus Fundación Social
  • Gurutze Gorria
  • SOLDIMES Máquinas para Soldadura S.L.
  • Gipuzkoako Urak SA
  • SOS Arrazakeria Elkartea
  • MettaCarbon bikes
  • Cafeteria Euromar
  • Electro Talleres Zarauz, SA (JOLAS)
  • Coprein SL
  • Ardantzabide altzariak SL
  • Kiba Lorezaintza
  • Atzegi
  • Artadi Alimentación SL
  • Gureak Lanean SA
  • Industrias Auxiliares SAU
  • Basobeltz SC
  • Calderería Plástica URSA S.L.
  • Hontza Psicología
  • Experientziak
  • Arazi IKT S.L.
  • Dhemen Design S.L.
  • Gonzmar Ingeniería y Construcción
  • Aquarium Donostia

9. edizioa

Bederatzigarren edizioa 2020ko urtarrilean hasi eta ekainean amaituko da. 

Programak hiru fase edo atal izango ditu:

  • AKTIBATU fasea (80 ordu): prestakuntza

Zeharkako konpetentziak landuko dira bizipen-prestakuntza pertsonalizatua eta integrala eskainiz.

  • Egutegia eta ordutegia:
  • Noiz: 2020ko urtarrilaren 27tik martxoaren 12ra bitartean.
  • Egunak: astelehenetik ostegunera 9:30etik 13:30era.
  • PRESTATU fasea (24 ordu): Nire marketina sareetan

Helburu orokorra da, teknologia berriek eskaintzen dituzten aukerak baliatuz, sarean norberaren marketing-a egiteko gakoak ezagutzea.

  • Egutegia eta ordutegia:
  • Noiz: 2020ko urtarrilaren 31tik martxoaren 6ra bitartean.
  • Egunak: ostiraletan 09:30etik 13:30era.

 

  • KOKATU fasea (200 ordu): praktikak enpresetan

Lanbide-profilaren arabera, benetako lan esperientzia lortuko da.

  • Egutegia eta ordutegia:
  • Noiz: 2020ko martxotik ekainera bitartean. 
  • Egunak: astelehenetik ostiralera, gehienez ere 6 orduko lanaldia

 

Argibideak jasotzeko

Urola Kostako Udal Elkartea

9. edizioa: Abenduaren 20ra arte mantenduko da zabalik HAZILAN PROIEKTUAren bederatzigarren deialdian izen emateko epea.

Izena emateko orria eskura dago Udal Elkartearen egoitza elektronikoan

Tramitazioa elektronikoa egin ezin dutenek, egoitzan elektronikoan dokumentua deskargatu,  bete eta Udal Elkarteko egoitzara bertaratu beharko dute.

  • Vanessa Garcia, Laneratzeko Zerbitzuak, hazilan@urolakosta.eus
  • Tel. 943 890808
  • Urdaneta bidea 6, 20800 Zarautz

 

Web edukia bistaratu

Hazilan: 

Web Form
Hazilan, informazioa eta izen-ematea

Informazioa jaso edo izena eman nahi baduzu, bete eta bidali formulario hau eta berehala jarriko gara zurekin harremanetan.

Eremua ez da mandatory.
Eremua ez da mandatory.
Eremua ez da mandatory.
Eremua ez da mandatory.
Eremua ez da mandatory.

Datuak Babesteko Erregelamendu Orokorrak (2016/679 EB Erregelamendua) ezarritakoaren arabera, adierazten dizugu formulario honen bidez ematen dizkiguzun datuak erabiliko ditugula soilik zure eskaria bideratzeko eta zurekin harremanetan jartzeko. Ikus datuak babesteari, zure eskubideei eta segurtasun ordezkariari buruzko informazioa eta datuak esteka honetan: http://www.urolakosta.eus/eu/datuen-babesa

Eremua ez da mandatory.
Identifikatzeko Testua Refresh CAPTCHA Refresh CAPTCHA