Udal Elkartearen egoitzan egin zuten Batzar Nagusiaren bilkura Aia, Getaria, Orio, Zarautz eta Zumaiako zinegotziek, abenduaren 15ean, arratsaldeko seietan. Bi gai nagusi zituzten gai-zerrendan, alde batetik, 2017ko aurrekontua onartzea eta, bestetik, Udal Elkartearen estatutuen aldaketari hasierako onarpena ematea.

2017ko aurrekontua

Batzar Nagusiak 2017ko aurrekontua onartu du EAJ, EH Bildu eta PSEren aldeko botoekin eta Irabazi Zarautz taldearen abstentzioarekin.

Udal Elkartearen 2017ko aurrekontua 7.416.997,45 eurokoa izango da, 2016ko aurrekontua baino %13 handiagoa da, besteak beste, onartu diren ekimen berrien ondorioz.

Ekimen aipagarrienak:

Ohiko zerbitzuei jarraipena emateaz gain (hondakinak biltzeko zerbitzuak, garbiguneak, laneratzen laguntzeko zerbitzuak, enpresak sortzen laguntzeko zerbitzuak, enpresen lehiakortasuna hobetzeko programak, turismoa sustatzeko ekimenak…), ekimen berri hauek azpimarra daitezke 2017ko aurrekontuan:

• Urteta zabortegiko lixibiatuen biltegia eraikitzeko obrak: 783.235,79 euro
• Enplegu plana: laneratzeko zailtasun bereziak dituzten pertsonen kontratazioa (11 lanpostu): 185.144,44 euro
• Enplegua eta enpresak sortu eta berrindartzeko programa: 282.326,55 euro
• Enpresa arloko proiektu bereziak: 99.000 euro
• Gizarte zerbitzuen maparen azterketa: 30.000,00 euro
• Zabor bilketa zerbitzua mankomunatzeko ezarpen kostuak: 221.614.,40 euro

2017ko aurrekontua: gastuak eta diru-sarrerak