Euskal Autonomia Erkidegoko 530 erakundetatik,  42 enpresa dira Euskadiko Turismo Etikaren Erregistroan sartu diren Urola Kosta eskualdeko turismo-sektoreko eragileak. Euskadiko Kode Etikoaren baitan jasotako prestakuntza eta konpromiso ibilbidea osatzen duten turismo-eragileek eskuratu dute Kode Etikoaren zigilua.

Urola Kosta: helmuga turistiko jasangarri eta arduratsua

Eskualdea kalitatezko helmuga-turistiko jasangarri eta arduratsua izateko ahaleginean, 2019.urtean ekin zion Urola Kostako Udal Elkarteak Kode Etikoaren egitasmoa sektoreko eragileengana hedatzeko lanari.

Hiru urteko lanketaren ondoren, bost udalerrietako 42 enpresa eta erakundek jaso dute Kode Etikoaren bereizgarria; hasi udal turismo bulegoetatik, jatetxe, ostatu-establezimendu eta turismo aktiborako eskaintza luzatzen duten izaera anitzeko enpresetaraino.

Hain zuzen ere, hauek dira eskualdeko Kode Etikoari atxiki zaizkion eragileak:

1. Apartamentos Getaria
2. Arazi
3. ATeRIAN-Holiday Homes
4. Basque Destination-Travel & Experiences
5. Basque Nomads Tours
6. Bodega Gaintza
7. Bodega Katxiña
8. Camping Zumaia
9. Cristobal Balenciaga Museoa
10. EGoNA-Alojamientos Turísticos
11. eXperientziak - Escape Room
12. Getariako Turismo Bulegoa
13. Hotel Gaintza
14. Hotel San Prudentzio
15. Hotel Zerupe
16. Maruka Gastro
17. Orio Kanpina
18. Orioko Turismo Bulegoa
19. Shelter Surf School by Aritz Aranburu
20. Talai Berri Txakoli Winery
21. Txoko Getaria
22. Zarauzko Turismo Bulegoa
23. Zumaiako Turismo Bulegoa
24. Apartamentos Talaimendi
25. Basque Stay - Vacational Apartments & Hotels
26. Berazadi Berri Agroturismo
27. Berazadi Berri jatetxea
28. Bikos & Café Cafeteria y heladeria
29. Elkano Jatetxea
30. E-Mendie Tracks
31. Essus Surf School
32. Good People Surf – School & Rentals
33. Hotel Iturregi
34. Kaixo Apartments Zarautz
35. Kraken food bar
36. Katrapona Pension
37. Jesuskoa Casa Rural
38. Maddiolla apartamentuak
39. Moor Surf Eskola
40. Mirotza Rooms & Apartments
41. Salanort Denda
42. Hotel & Thalasso Villa Antilla

Kode Etikoa eta Erregistroa

Eragile guzti horien ahalegina jardunbide egokien erregistroan gorde da; batetik, sustapen-helburuetarako eta, bestetik, Administrazioak aintzat har ditzan etorkizunean aurrera eramango dituen turismoa suspertzeko politika eta ekimenetarako.

Euskadiko Turismoaren Kode Etikoan jasotako printzipioak ez betetzeak automatikoki ekarriko du erregistro horretatik kanporatzea.

Euskadi mailako Kode Etikoaren helburua nagusia da turismo eragileek integratu ditzatela beren eguneroko jardunean erantzukizun soziala eta ingurumen- eta ekonomia-jasangarritasuna. Beti ere, bezeroarekiko zerbitzu harremanean errespetua eta ulermena oinarri. Izan ere, Kode Etikoaren baitan, turismoarekin zeharkako lotura duten alderdi ugari lantzen da; hala nola, bisitari eta turisten ulermena erraztea, berdintasun, aniztasun eta inklusio kontzeptuak, iraunkortasuna edota tokiko tradizioaren eta kulturaren gaineko babesa. Eta, nola ez, zerbitzuen bikaintasun eta profesionaltasuna.

Euskadiko Turismoaren Kode Etikoa Turismorako Munduko Kode Etikoaren egokitzapen bat da. Kode hori euskal kulturaren eta nortasunaren berezko ezaugarrietatik abiatuta egin da, eta 2030 Agendan ezarritako garapen iraunkorreko 17 helburuetan oinarrituta dago.