Enpresa kudeaketari buruzko tailerrak antolatu ditu Udal Elkarteko Enpresa Sustapen Zerbitzuak EKITEN IKASGUNE ekimenaren baitan. Guztira, pertsona ekintzaileei edota mikroenpresetako enpresariei bideratutako aurrez aurreko 8 prestakuntza tailer egingo dira. Saio guztietan edota intereseko saio zehatzetan eman daiteke izena.

Ekimenaren helburu nagusia da ekintzaile nahiz enpresariei beren ideia edota enpresei buruzko  hausnarketa sustatzea eta kudeaketa eraginkorrago bat lortzeko hainbat erreminta eskaintzea. Prestakuntza tailer guztiak aurrez aurrekoak izango dira: Urola Kostako Udal Elkartearen egoitza nagusian, goizez, 09:30etik 13:30era.

Hauxe da prestakuntza tailerren eskaintza:

IRAILEAN

• 2021/09/27: TicketBait eta izapidetza elektronikoa. Kudeaketa elektronikoa administrazio publikoarekin.

URRIAN

• 2021/10/04: Negozioa abiatzerakoan, kontuan hartu beharrekoak. Bideragarritasun plana.
• 2021/10/05: Forma juridikoak eta eratzeko izapidetzak.
• 2021/10/06: Jardueraren kudeaketa eta kontrol ekonomikorako erremintak.  
• 2021/10/07: Zerga-kudeaketa.
• 2021/10/08: Lan arloa. Autonomoen erregimen berezia.

AZAROAN

• 2021/11/08: Salmenten kudeaketa. Plan komertziala.
• 2021/11/22: Denboraren kudeaketa eta produktibitatea enpresan.

Informazio guztia hemen

Argibideak eta izen-ematea:

Tailerretan parte hartzeko, aurrez izena eman beharko da galdetegia beteta. Plaza kopurua mugatua da eta izen-emate hurrenkera errespetatuko da eskabideak onartzeko. Informazio gehiago jasotzeko, idatzi iezaguzu e-mail bat edo jarri harremanetan telefono bidez:

Enpresa Sustapena Zerbitzua (Maider Ibarbia, Johanna Pino)

• Tel. 943 890808
• harrera@urolakosta.eus