Berrikuntza ez teknologikoa garatzeko programa da HAZINNOVA. ETE-ek berrikuntzaren arloan urratsak eman ditzaten bideratutako zerbitzua da. Hain zuzen ere, enpresa ertain nahiz txikiei bideratutako zerbitzua da; lana antolatzeko molde berrietan, edota produktu eta zerbitzuak merkaturatzerakoan metodo berrienekin bide egin dezaten.

Zerbitzua %100ean diruz lagunduta dago eta eskaerak aurkezteko epea 2022ko abenduaren 1ean amaituko da. Prozesu osoan zehar laguntza emateko, Urola Kostako Udal Elkartea izango da eskualdeko enpresekin eskuz-esku lanean ariko den HAZINNOVA-eragilea.

Jorratzeko 8 esparru-aukera

Praktikan, 50 orduko aholkularitza zerbitzuaren bitartez, erakundeetan hainbat negozio-prozesu hobetzeko mikroproiektuak martxan jartzen laguntzen du Hazinnovak. Hauek dira proiektuen esparru-aukerak:

• EKONOMIKO FINANTZARIOA: enpresaren kudeaketa ekonomiko-finantzarioaren eta estrategikoaren funtsezko hobekuntza, errentagarritasuna kontrolatzeko.
• EKOIZPENA: ekoizpen-prozesuen funtsezko hobekuntza, enpresaren produktibitatea, kalitatea, jasangarritasuna edo segurtasuna areagotzeko.
• PERTSONAK: pertsonen kudeaketa nabarmen hobetzea, haien konpromisoa eta motibazioa handitzeko.
• BEZERIA: bezeroak ezagutzeko, erakartzeko, artatzeko edo leialtzeko funtsezko hobekuntza, merkatu-kuota handitzeko.
• LOGISTIKA: hornidura- edo banaketa-katearen funtsezko hobekuntza, gastuak eta bezeroei zerbitzua emateko edo hobetzeko epeak murrizteko.
• BARNEKO ADMINISTRAZIO-PROZESUAK: Administrazioberriz diseinatzea enpresaren eraginkortasuna nabarmen hobetzeko.
• MERKATU BERRIAK: produktuak/zerbitzuak (berriak edo lehendik daudenak) merkatu berrietara egokitzea (nazionalak, nazioartekoak edo sektore berriak) edo enpresaren marketina egokitzea merkatu geografiko edo bezero-segmentu berrietara iristeko.
• PRODUKTUA: Negozio-bolumena handitzeko irtenbideak identifikatzea eta ezartzea produktuaren arloan.

5 pertsonako edo gehiagoko plantillak dituzten eta eskualdean kokatuta dauden enpresak, industria-jarduerak, industriari lotutako zerbitzuak, informazioaren eta komunikazioen gizartea, logistika eta handizkako merkataritza garatzen dituzten ETE-ek parte hartu dezakete egitasmoan.

Ekimenean ezin izango dute parte hartu 2019, 2020 edo 2021an Innobideak eta Hazitek programen onuradun izandakoak, salbuespen honekin: soilik Innobideak Kudeaketa Contraste edota Innobideak -Kudeabide 2.faseko onuradun izandakoak.

Argibideak edota informazio gehiago jasotzeko:

Enpresentzako Zerbitzuak, Aintzane Ruesgas

• Tel. 943 890808
• enpresa@urolakosta.eus