Amaiera ekitaldian izan zen Luis Angel Agirre, Osalan Gipuzkoako prebentzio arduraduna. Agirrek, Osalanen funtzioak azaltzeaz gain, laneko prebentzioaren erronkei buruz hitz egin zien bertaratuei. Besteak beste, enpresen egunerokotasunean lan-arriskuen prebentzio alorra integratzearen garrantziaz hitz egin zuen.

Amaitzeko, ekimenaren bilakaeraren berri emateaz gain, Udal Elkarteak prestakuntza-ziurtagiria banatu zien programako partehartzaile guztiei. Urola Kostako Udal Elkarteak 2010. urtean ekin zion Mikropreben programa jorratzeari. Orduz geroztik, urtez-urte egonkortzen joan den ekimena izan da eta ibilbide emankorra bezain oparoa izan du. Orotara, 8 ediziotan, 53 enpresa eta 54 enpresa-ordezkarik hartu dute parte.

Argibideak eta izen- ematea:

2020. urtean zehar programaren edizio berri bat jarriko da martxan; funtsean, eskualdeko enpresa txikiek prebentzio planak landu eta hobetu ditzaten.

Ekimenaren inguruko argibide edota informazio gehiago jasotzeko, idatzi iezaguzu e-mail bat edo jarri harremanetan telefono bidez:

Enpresentzako Zerbitzuak (Rakel Calvo)

• enpresa@urolakosta.eus
• Tel. 943890808