Urola Kostako Udal Elkarteak “ETE digitala Urola Kostan” egitasmoa jarri du martxan, eskualdeko enpresa ertain zein txikiei beren Industria 4.0 ibilbidea eraikitzeko laguntza eskaini eta digitalizazioaren alorrean urrats berriak eman ditzaten.

Ekimen horren baitan, datorren urtarrilaren 11n, aurrez.aurreko saioa eskainiko du Udal Elkartean eta bertan, enpresa parte-hartzaileei datuen kudeaketa egoki batek enpresei lehiakorragoak izaten nola lagun diezaiekeen azaltzeko erabilera kasuak, erabakitzeko era estrategikoak eta aplikazio adibideak aurkeztuko zaizkie, beti ere enpresen kostuak murriztuz, diru-sarrerak handituz eta prozesuak optimizatuz.

Izena-ematea eta argibideak

Jardunaldia goizeko 09:30etik 11:00etara izango da eta parte-hartzeko ezinbestekoa da aurrez izena ematea galdetegi hau beteaz. Galdetegi horretan, empresa parte-hartzaileak zein fasetan dauden eta zein premia dituzten jasoko da, jardunaldia xehetasun horietara egokitzeko.

Izena emateko azken eguna: urtarrilaren 9a

Urola Kostako Udal Elkartea

Enpresentzako zerbitzua (Aintzane Ruesgas)

• Tel. 943 890808
• enpresa@urolakosta.eus