Informazio eguneratua

Enpresentzat interesgarria den informazioaren uholdea handia da, askotan handiegia, eta han eta hemen argitaratzen da. Enpresentzat zaila izaten da informazio-iturri guztiak aztertu eta interesatzen zaiena zein den jakitea. Horixe da, hain zuzen ere, gure helburua: informazio hori eskuratu, salkatu eta enpresen informazio premiei ahalik eta ondoen eta azkarren erantzun ahal izatea.
 

InfoUKUE: enpresentzako buletina

Urola Kostako Udal Elkarteak eskualdeko enpresei eskaintzen dien informazio zerbitzua da. Buletina hamabost egunean behin bidaltzen dugu, posta elektronikoaren bidez, euskaraz eta gaztelaniaz.

• Zergatik eta zertarako: enpresentzat interesgarria den informazioaren uholdea handia da, askotan handiegia eta han eta hemen argitaratzen da. Enpresentzat zaila izaten da informazio-iturri guztiak aztertu eta interesatzen zaiena zein den jakitea. Horixe da, hain zuzen ere, buletin honen helburua, eskualdeko enpresei informazio interesgarria eskaintzea.
• Atalak: 5 atal ditu buletinak:

1. Albisteak: enpresentzako programa eta zerbitzuen inguruko albisteak, eskualdeko garapen sozioekonomikoarekin lotura duten berriak…
2. Jardunaldiak: Udal Elkarteak antolatutako jardunaldi eta ikastaroak
3. Diru-laguntzak: enpresei eta, batez ere, enpresa txikienei, zuzenduriko diru-laguntzak, Gipuzkoa, EAE zein estatu mailakoak
4. Joerak: merkatuan atzemandako joera eta berrikuntzak
5. Negozioak: negozio aukera zehatzak

Buletina jaso dezakete eskualdeko enpresa nahiz bestelako eragileek. Harpide egiteko, bete behealdeko formularioa eta bidali.

Informazioa eskuratu

Enpresentzako zerbitzu eta programen informazioa eta argibideak jasotzeko jarri gurekin harremanetan.