Open Lab Urola Kosta

Zer da Open Lab Urola Kosta?

• Elkarlanerako lekua da, nahi duenarentzat ateak zabalik dituena
• Esperimentatu, ikertu eta sortzeko lekua da, teknologia digitalak, makina eta erremintak eta prototipoak egiteko eta azkar fabrikatzeko makinak erabiliz
• Dibulgaziorako lekua da: tailerrak, ikastaroak, workshopak…
• Partekatzeko lekua da, dakizuna besteei emateko eta besteek dakitena zuk jasotzeko
• Sortzeko lekua da, DIY filosofiarekin (do it yourself, egin zerorrek)
• Ekintzailetza sustatzeko lekua da: ezagutzak, asmoak eta ideiak partekatu eta ideia berriak garatzeko lekua

Open Lab Urola Kosta bailarako hainbat eragile eta pertsonen eskariari erantzunez sortutako ekimena da, askoren arteko ahaleginaren emaitza (pertsonak, eragileak, udalak, Urola Kostako Udal Elkartea). Eskualdeko udalek eta Urola Kostako Udal Elkarteak finantzatutako proiektua da, Gipuzkoako Foru Aldundiaren diru-laguntzarekin.

Egin zerorrek DIY

Do it yourself filosofian oinarritzen da:

• egin zerorrek 
• probatu, ikasi, esperimentatu
• dakizuna eman eta besteengandik hartu

Norentzat da?

• Eskualdeko (Aia, Getaria, Orio, Zarautz eta Zumaiako) herritar eta enpresa ororentzat da.
• Ez dago adin mugarik: haurrak, gazteak, helduak, adinekoak…
• Bakarrik etor zaitezke, edo lagunekin.
• Ez duzu fabrikazio azkarraren mundu digitalaren arloa ezagutu beharrik, edonorentzat da, adituak direnentzat, zerbait dakitenetzat edo ezer ere ez dakitenentzat.

Baliabideak eta tresnak

Open Lab Urola Kostan hainbat baliabide dituzu fabrikazio azkarraren mundu digitalean barneratu eta probatzeko, esperimentatzeko: laser inprimagailua, 3D inpresorak, sentsoreak...

Ordutegia

Open Lab Urola Kosta zabalik duzu, ordutegi honetan:

Asteartetik ostiralera:

• Goizez 09:30etik 13:00etara
• Arratsaldez 17:00etatik 20:30era

Larunbatetan:

• Goizez: 10:00etatik 13:00etara

Helbidea: Urola Kostako Udal Elkartea, Urdaneta bidea 6, Zarautz

Open Lab Urola Kostan begirale bat izango duzu laguntzeko prest. Bertan dauden tresna, inprimagailu eta baliabideak erabiltzen erakutsiko dizu; fabrikazio azkarraren mundu digitala ezagutzen lagunduko dizu.

Ikastaroak eta tailerrak

• Ikasi Scrath-ekin programatzen
• Iraupena: 12 ordu
  • Aurrez aurreko 2 saio: Martxoaren 27an eta Apirilaren 3an
  • 4 ordu online
• Ordutegia: 16:00-20:00
• Ordenagailu eramangarria ekartzea komeni da
• Dibulgazio maila: oinarrizko ikastaroa da eta, beraz, edozeinek egin dezake.
• 18 urtetik gorako herritarrentzat

Argibideak